Bakı şəhəri, Nizami rayonu ərazisində yerləşən anbarlarda başlayan güclü yanğın söndürülüb.
Oxu.Az-ın məlumatına görə, ərazidə yerləşən digər tikililər yanğından mühafizə olunub.
Bakı şəhəri, Nizami rayonu ərazisində yerləşən anbarlarında başlayan yanğın 16:07-də məhdudlaşdırılıb.
Oxu.Az-ın məlumatına görə, hazırda yanğının tam söndürülməsi istiqamətində işlər davam edir.
Bakı şəhərinin Nizami rayonu ərazisində yerləşən obyektdə baş verən yanğının söndürülməsi istiqamətində tədbirlər davam etdirilir.
Oxu.Az xəbər verir ki, yanğın bir-birinə bitişik anbarlarda baş verib.
Hazırda Fövqəladə Hallar Nazirliyinin (FHN) Dövlət Yanğından Mühafizə Xidmətinin qüvvələri tərəfindən yanğının söndürülməsi istiqamətində işlər aparılır.
Hadisə şahidlərinin sözlərinə görə, xəsarət alan yoxdur.
Qeyd olunur ki, yanğın saat 12 radələrində başlayıb.
İlkin məlumata görə, təxminən 800 min manat ziyan dəyib.
Məhərrəm Əliyev
Bakı şəhəri, Nizami rayonu ərazisindəki obyektdə başlayan yanğının söndürülməsi istiqamətində işlər davam edir.
Oxu.Az xəbər verir ki, Baku TV hadisə yerindən görüntüləri çatdırıb:
Bakı şəhəri, Nizami rayonu ərazisində obyektdə yanğın başlayıb.
Bu barədə Oxu.Az-a Fövqəladə Hallar Nazirliyindən məlumat verilib.
Bildirilib ki, FHN-in "112" qaynar telefon xəttinə paytaxtın Nizami rayonu, Keşlə qəsəbəsi, A.Mirzəyev küçəsində obyektdə yanğın baş verməsi barədə ilkin məlumat daxil olub:
"Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub. Hazırda yanğınla mübarizə tədbirləri davam etdirilir. Əlavə məlumat veriləcək".
