Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Yasamal rayonu, Lev Tolstoy küçəsində yerləşən yaşayış evində yanğın baş verməsi barədə məlumat daxil olub.
Oxu.Az xəbər verir ki, bununla bağlı FHN məlumat yayıb.
Bildirilib ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Yanğınsöndürənlər tərəfindən həyata keçirilmiş zəruri və təxirəsalınmaz tədbirlər sayəsində ikimərtəbəli yaşayış evində baş vermiş yanğın genişlənməsinə imkan verilmədən qısa müddətdə söndürülüb.
Yanğın nəticəsində ümumi sahəsi 200 m² olan sökülməkdə olan evin birinci mərtəbəsinin yanar konstruksiyaları 20 m², ikinci mərtəbəsi isə 80 m² sahədə yanıb.
Xəsarət alan olmayıb.
Evin qalan hissəsi yanğından mühafizə olunub.
Bakının Yasamal rayonu, Lev Tolstoy küçəsində ikimərtəbəli fərdi yaşayış evində baş vermiş yanğın söndürülüb.
Oxu.Az xəbər verir ki, bu barədə Fövqəladə Hallar Nazirliyindən (FHN) məlumat verilib.
Bildirilib ki, yanğınsöndürənlərin həyata keçirdiyi zəruri və təxirəsalınmaz tədbirlər nəticəsində yanğının genişlənməsinə imkan verilməyib və alov qısa müddətdə söndürülüb.
Bakı şəhəri, Yasamal rayonu, Lev Tolstoy küçəsində ("Sovetski" kimi tanınan ərazidə) yanğın baş verib.
Oxu.Az xəbər verir ki, hadisə Təzəpir məscidinin yaxınlığındakı yaşayış evlərindən birində qeydə alınıb.
Fövqəladə Hallar Nazirliyindən (FHN) Oxu.Az-a verilən məlumata görə, yanğınla bağlı dərhal əraziyə nazirliyin Dövlət Yanğından Mühafizə Xidmətinin qüvvələri cəlb olunub.
Hazırda yanğının söndürülməsi istiqamətində tədbirlər davam etdirilir.
