Amerikalı üzgüçü bir gündə iki dəfə dünya rekordu müəyyənləşdirdi

Amerikalı üzgüçü Qretçen Uolş 100 metr məsafəyə batterflay üsulla (kəpənək üsulu) üzməkdə bir gündə iki dəfə dünya rekordu müəyyənləşdirib.

Bu barədə Oxu.Az TASS-a istinadla xəbər verir.

Fort-Loderdeyldə (ABŞ, Florida) keçirilən turnirdə ilkin üzmə mərhələsində Q.Uolş 55.09 saniyə, finalda isə 54.60 nəticə göstərib.

Bundan əvvəlki dünya rekordu da ona məxsus olub - 55.18 saniyə.

Qeyd edək ki, 22 yaşlı üzgüçü 2024-cü ildə Parisdə keçirilən yay Olimpiya Oyunlarında iki qızıl və iki gümüş medal qazanıb.