Bu gün Avropa Liqasında 1/4 final mərhələsinin cavab oyunları keçiriləcək.
Oxu.Az xəbər verir ki, baş tutacaq dörd qarşılaşmadan sonra yarımfinalçılar müəyyənləşəcək.
Əsas diqqət mərkəzində olan görüşlər İtaliyanın Neapol və Almaniyanın Frankfurt şəhərində olacaq. “Arsenal”ın Bakıdakı finala gəlib-gəlməməsini hardasa bu matç da müəyyənləşdirəcək.
London təmsilçisi öz meydanında “Napoli” üzərində sərfəli nəticə qazandığından, Apennin yarımadasına nisbətən rahat yollanacaq.
Lissabonda “Ayntraxt”ı 4:2 hesabı ilə məğlub edən “Benfika” isə bu üstünlüyü Almaniyada qorumağa çalışacaq.
Qeyd edək ki, Avropa Liqasının final oyunu mayın 29-da Bakı Olimpiya Stadionunda keçiriləcək.
Avropa Liqası
1/4 final, cavab oyunları
23:00 “Napoli” (İtaliya) – “Arsenal” (İngiltərə)
Neapol. “San Paolo” stadionu
İlk oyun – 0:2
23:00 “Valensiya” (İspaniya) – “Vilyareal” (İspaniya)
Valensiya. “Mestalya” stadionu
İlk oyun – 3:1
23:00 “Ayntraxt” (Almaniya) – “Benfika” (Portuqaliya)
Frankfurt. “Komersbank Arena”
İlk oyun – 2:4
23:00 “Çelsi” (İngiltərə) – “Slaviya” (Çexiya)
London. “Stemford Bric” stadionu
İlk oyun – 1:0
Səbuhi MUSAYEV
