Bu gün Azərbaycan Atletika Federasiyasının seçki konfransı keçirilib.
Oxu.Az xəbər verir ki, konfransda Respublikanın idman cəmiyyətlərinin, klublarının, idmançı və veteran idmançıların, məşqçilərin və hakimlərin nümayəndələri iştirak edib.
Seçkiyə əsasən Çingiz Hüseynzadə yenidən Atletika Federasiyasının prezidenti vəzifəsinə seçilib. Həmçinin seçicilər Firat Hüseynova federasiyanın vitse-prezidenti, Məhərrəm Sultanzadəyə baş katib kimi səs verib.
Federasiyanın İcraiyyə Komitəsinin üzvlüyünə aşağıdakı 13 şəxs seçilib. Onların arasında üçtəkanla tullanma üzrə Avropa çempionu Nazim Babayev də var: Çingiz Hüseynzadə, Firat Hüseynov, Məhərrəm Sultanzadə, Aida İsayeva, Bəhruz Salehli, Elman Rzazadə, Kamal Əhmədov, Könül Nurullayeva, Mehdi Nağıyev, Nazim Babayev, Tamilla Bünyadova, Sergey Antipov, Şirin Vəliyev
Qurumun Nəzarət-Təftiş Komissiyasının sədri Rəhim Xəlilov seçilib. Bu komissiyanın digər üzvləri isə Lyudmila Əliyeva və Kənan Məhərrəmov olacaq.
Səbuhi Musayev
Rəylər