Azərbaycan Qran-prisi: "Formula-2"də "Kampos" komandasının iki pilotu eyni yerdə qəza törədib

Bakıda keçirilən Azərbaycan Qran-prisində "Formula-2" üzrə sıralanma turunda "Kampos" komandasının iki pilotu eyni yerdə qəza törədib.

Oxu.Az xəbər verir ki, "Kampos" komandasının pilotları uzun düzlükdə ardıcıl getdikləri üçün birinci döngədə əvvəlcə Xose Maria Marti, ardınca isə Ayzek Həcər baryerlərə çırpılıblar.

Çempionata başçılıq edən əlcəzairəsilli fransalı Həcər qəzadan sonra komanda yoldaşını ittiham etməyə başlayıb. Sessiya isə qırmızı bayraqlarla dayandırılıb.

Qeyd edək ki, Azərbaycan Qran-prisi sentyabrın 15-də başa çatacaq.