Karlo Ançelotti ona qarşı olunan təhqirləri normal qəbul etdiyini deyib

"Real Madrid"in təcrübəli çalışdırıcısı Karlo Ançelotti İspaniya Kubokunda "Selta Viqo"nu 5:2 hesabı ilə məğlub etdikdən sonra maraqlı fikir səsləndirib.

Oxu.Az "Marca"ya istinadən xəbər verir ki, Madrid təmsilçisinin fanatları oyunun gedişində baş məşqçi Karlo Ançelottini və futbolçuları təhqir ediblər.

Ançelotti matçdan sonra azarkeşlərin davranışları haqqında danışıb:

"Barselona" ilə oyunda baş verənləri nəzərə alsaq, fanatların etdikləri normaldır. Lakin qələbəmizlə onlara cavab verdik. "Bernabeu"da fanatların dəstəyi başlayanda, artıq oyun xüsusi olur. Biz "Barselona"ya məğlub olduğumuz zaman təhqir olunmağa layiq oluruq".

Qeyd edək ki, "Real Madrid" "Barselona" ilə görüşdə 2:5 hesabı ilə məğlub olmuşdu.