Lionel Messi və Kriştianu Ronaldunun müqayisəsi - Kim daha üstündür?

Dünya futbolunun əfsanələrinə çevrilmiş Lionel Messi və Kriştianu Ronaldunun karyerası müqayisə olunub.

Oxu.Az xəbər verir ki, Lionel Messi 1104 oyunda meydana çıxıb, 90164 oyun dəqiqəsində meydanda olub, 865 qol vurub, 384 məhsuldar ötürmə edib, 1929 açar ötürmə edib, 3915 uğurlu driblinq ilə yadda qalıb, 419 oyunun ən yaxşısı mükafatının sahibi olub.

Əfsanəvi argentinalı 59 het-trik, 67 cərimə zərbəsi qolu, 110 penalti qolu, 99 cərimə meydançası xaricindən qol, 589 cərimə meydançası daxilindən qol, 724 sol ayaqla qol, 109 sağ ayaqla qol, 28 başla qol, 4 bədənin digər hissələri ilə qol vuraraq adını tarixə yazdırıb.

Kriştianu Ronaldu: 1281 oyunda meydana çıxbı, 104698 oyun dəqiqəsində komandasına kömək edib, 938 qol vurub, 257 məhsuldar ötürmə edib, 1239 açar ötürmə ilə məhsuldarlıq edib, 1901 uğurlu driblinqlə rəqiblərini geridə qoyub, 220 oyunun ən yaxşısı mükafatının sahibi olub.

Portuqaliyalı ulduz 66 het-trik, 64 cərimə zərbəsi qolu, 175 penalti qolu, 70 cərimə meydançası xaricindən qol, 629 cərimə meydançası daxilindən qol, 179 sol ayaqla qol, 602 sağ ayaqla qol, 155 başla qol, 2 bədənin digər hissələri ilə qol vuraraq əfsanəvi futbolçular siyahısına qoşulub.