“Qol vurmaq üçün imkanlarımız var idi. Amma həqiqəti söyləməliyik, yaxşı oyun keçirmədik”.
Oxu.Az xəbər verir ki, bunu “Marsel”in yarımmüdafiəçisi Mateo Qenduzi deyib.
“Arsenal”a məxsus olan 22 yaşlı mərkəz yarımmüdafiəçisi Fransa Liqa 1-nin XXV turu çərçivəsində “Klermon”a 0:2 hesabı ilə məğlub olduqları oyun barədə danışarkən Avropa Konfrans Liqasının pley-off mərhələsində “Qarabağ”la Bakıda keçirəcəkləri cavab oyunu barədə də fikirlərini söyləyib:
“Klermon”un bura oynamaq üçün gəldiyini gördük. Çox şansları yox idi, amma qapı qarşısında təsirli idilər. Bu məğlubiyyətə baxmayaraq, işimizə köklənməliyik. İlk olaraq “Qarabağ”ı üstələyib mərhələ adlamalı, ardından “Trua” səfərinə hazırlaşmalıyıq”.
Qeyd edək ki, “Qarabağ” – “Marsel” oyunu fevralın 24-də Tofiq Bəhramov adına Respublika Stadionunda keçiriləcək.
