Fransa millisinin hücumçusu və kapitanı Kilian Mbappe Zinəddin Zidanın yığmanın baş məşqçisi təyin olunmasına münasibət bildirib.
Oxu.Az xəbər verir ki, futbolçu bu barədə "Instagram" hesabında paylaşım edib.
"Evə xoş gəldin", - deyə Mbappe Zidanın təyinatını bu sözlərlə qarşılayıb.
Zinəddin Zidan iyulun 28-də Fransa millisinin baş məşqçisi təyin olunub. Onun məşqçilər korpusunda sabiq Fransa millisinin qapıçısı Fabyen Bartez və keçmiş futbolçu Bernar Diomed də yer alacaq.
Zidan futbolçu karyerası ərzində Fransa millisinin heyətində 108 oyun keçirib. O, 1998-ci ildə dünya çempionu, 2000-ci ildə Avropa çempionu, həmçinin 2006-cı il dünya çempionatının gümüş mükafatçısı olub.
Məşqçi kimi isə Zidan Madridin "Real Madrid" klubuna rəhbərlik edib və komandanı ardıcıl üç dəfə UEFA Çempionlar Liqasının qalibi edib.
