“Neftçi” ayyarım yoxladığı afrikalı futbolçu ilə müqavilə bağladı

“Neftçi” PFK heyətini gücləndirmək baxımından növbəti addımı atıb. 

Oxu.Az xəbər verir ki, vətəni Qvineyada istedadı ilə seçilən futbolçulardan olan Mamadu Kane ilə üç illik müqavilə bağlanıb. 

Oktyabrın 15-dən “Neftçi”də baxışda olan 21 yaşlı Kane mərkəz yarımmüdafiəçisidir. O, yeni komandasının heyətində 36 nömrəli formanı geyinəcək.

Qeyd edək ki, bundan əvvəl Qvineyanın “Kalum Star” klubunun üzvü olmuş futbolçu bu ölkənin 20 yaşadək milli komandasının formasını geyinib və U-20-lərin dünya çempionatında iştirak edib.   

Səbuhi MUSAYEV
www.oxu.az