Paris-2024: Bu gün daha dörd idmançımız Yay Olimpiya Oyunlarında mübarizəyə qatılacaq

Fransanın paytaxtı Parisdə təşkil olunan Yay Paralimpiya Oyunlarında bu gün Azərbaycanın dörd idmançısı çıxış edəcək.

Oxu.Az xəbər verir ki, öncə paraüzgüçümüz Raman Saley (S12 kateqoriyası, 100 metr məsafəyə arxası üstə üzmə) mübarizəyə başlayacaq.

Ardınca isə Könül Süleymanova (S2 kateqoriyası, 50 metr məsafəyə arxası üstə üzmə) Yay Olimpiya Oyunlarına start verəcək.

Parataekvondoçumuz Əbülfəz Abuzərli (K44 kateqoriyası, 80 kiloqram) mübarizəyə təsnifat mərhələsindən başlayacaq.

Bu gün yarışlarda sonuncu təmsilçimiz - paraatıcımız Aybəniz Babayeva (P2 kateqoriyası, 10 metr məsafəyə atəş açma) olacaq.

Qeyd edək ki, hazırda millimizin aktivində iki medal var. Parataekvondoçumuz İmaməddin Xəlilov qızıl medala yiyələnib. Paralimpiadanın ilk günündə parataekvondoçumuz Sabir Zeynalov (58 kq, K44) isə bürünc medal qazanıb.

31 avqust

Paraüzgüçülük

Raman Saley (S12 kateqoriyası, 100 metr məsafəyə arxası üstə üzmə)

Təsnifat: 11:30

Final: 19:30

Könül Süleymanova (S2 kateqoriyası, 50 metr məsafəyə arxası üstə üzmə)

Təsnifat: 13:09

Final: 21:50

Parataekvondo

Əbülfəz Abuzərli (K44 kateqoriyası, 80 kiloqram)

Təsnifat: 12:00-16:30

Final: 19:00-23:30

Paraatıcılıq

Aybəniz Babayeva (P2 kateqoriyası, 10 metr məsafəyə atəş açma)

Təsnifat: 14:00

Final: 16:45