Premyer Liqa: "Sumqayıt" "Neftçi"yə qalib gəlib

Azərbaycan Premyer Liqasının XVI turunda "Sumqayıt" "Neftçi"yə qalib gəlib.

Oxu.Az xəbər verir ki, Mehdi Hüseynzadə adına Sumqayıt şəhər stadionunda baş tutan matçda ev sahibləri 2:0 hesablı qələbəyə seviniblər.

Hesabı 20-ci dəqiqədə Kamran Quliyev açıb. Fasiləyə 2 dəqiqə qalmış isə Cordan Rezabala yekun hesabı müəyyənləşdirib.

Bu qələbə sayəsində xallarının sayını 19-a çatdıran "Sumqayıt" altıncı pillədə yer alıb. "Neftçi" isə 13 xalla səkkizinci sırada qərarlaşıb.

Qeyd edək ki, turun əvvəlki görüşülərində "Araz-Naxçıvan" "Səbail"i 2:0, "Zirə" isə 'Kəpəz"i 4:0 hesabı ilə məğlub edib. "Sabah" və "Qarabağ" komandalarının duelində qalib müəyyənləşməyib - 1:1.

Premyer Liqa: "Sumqayıt" "Neftçi"yə qalib gəlib

18:24

Azərbaycan Premyer Liqasının 16-cı turunda "Kəpəz" "Zirə"yə məğlub olub.

Oxu.Az xəbər verir ki, , Tovuz şəhər stadionunda baş tutan oyunda gəncəlilər 0:4 hesabı ilə uduzublar.

Bu qələbə sayəsində "Zirə" xallarının sayını 26-ya çatdırıb. "Kəpəz" isə 10 xalla doqquzuncu sırada qərarlaşıb.

Qeyd edək ki, turun əvvəlki görüşülərində "Araz-Naxçıvan" səfərdə "Səbail"i 2:0 hesabı ilə məğlub edib. "Sabah" və "Qarabağ" komandalarının duelində isə qalib müəyyənləşməyib - 1:1.

Hazırda isə Sumqayıtda eyniadlı komanda ilə "Neftçi" arasında qarşılaşma başlayıb.

09:30

Azərbaycan Premyer Liqasında 16-cı turun oyunları keçirilir.

Oxu.Az xəbər verir ki, bu gün daha 2 oyun baş tutacaq.

Əvvəlcə "Kəpəz" Tovuzda "Zirə"ni qəbul edəcək. Günün digər oyunu "Sumqayıt"la "Neftçi" arasında baş tutacaq.

Turun əvvəlki görüşlərində "Səbail" "Araz-Naxçıvan"a uduzub (0:2), "Sabah" - "Qarabağ" matçında (1:1) qalib müəyyənləşməyib. Tura sabah keçiriləcək "Turan Tovuz" - "Şamaxı" oyunu ilə yekun vurulacaq.

Premyer Liqa

16-cı tur

8 dekabr

16:00. "Kəpəz" - "Zirə"

Hakimlər: Tural Qurbanov, Zöhrab Abbasov, Teymur Teymurov, Əli Əliyev.

Tovuz şəhər stadionu.

18:00. "Sumqayıt" - "Neftçi"

Hakimlər: Fərid Hacıyev, Rəhman İmami, Kamran Bayramov, Cavid Cəlilov.

Mehdi Hüseynzadə adına Sumqayıt şəhər stadionu.

Premyer Liqa: "Sumqayıt" "Neftçi"yə qalib gəlib