"Qızıl top" mükafatının üçqat qalibi Lionel Messini tənqi edib

"Qızıl top"un üçqat sahibi Marko van Basten əfsanəvi argentinalı futbolçu Dieqo Maradonanın Lionel Messidən niyə üstün olduğunu açıqlayıb.

Oxu.Az-ın xəbərinə görə, niderlandlı ulduz bu barədə "Give me Sport" nəşrinə açıqlama verib:

"Lionel Messi əla oyunçudur, lakin Dieqo Maradona həmişə komandanın daxilində böyük şəxsiyyəti olub. Messi komandanı döyüşə aparacaq şəxs deyil".

Qeyd edək ki, Dieqo Maradona 2020-ci il noyabrın 25-də 60 yaşında vəfat edib. 1986-cı il dünya çempionunun ölüm səbəbi ürək çatışmazlığı göstərilib.