"Real Madrid" "Benfika"nın müdafiəçisi Alvaro Karrerasın transferinə yaxındır.
Oxu.Az xəbər verir ki, bu barədə "Marca" məlumat yayıb.
Bildirilib ki, Madrid klubu keçidi bu həftə ərzində yekunlaşdırmaq niyyətindədir. Klub istəyir ki, Karreras iyunun 15-də start götürəcək klublararası dünya çempionatından əvvəl komandaya qoşulsun. Futbolçu artıq transferə razılıq verib.
"Benfika" müdafiəçi üçün 50 milyon avro tələb edir.
Cari mövsümdə Karreras bütün turnirlərdə 49 oyuna çıxıb, 4 qol vurub və 5 məhsuldar ötürmə ilə yadda qalıb. "Transfermarkt" onun dəyərini 28 milyon avro olaraq qiymətləndirir.
