Beynəlxalq Şahmat Federasiyası (FIDE) 2026-cı ilin ilk reytinq cədvəlini açıqlayıb.
Oxu.Az xəbər verir ki, bu barədə qurumun rəsmi saytında məlumat verilib.
Kişilərin siyahısında ən yaxşı göstəriciyə malik Azərbaycan təmsilçisi Şəhriyar Məmmədyarovdur. Təcrübəli qrossmeyster 2730 xalla 19-cu yerdədir. Teymur Rəcəbov (2692) 35-ci, Rauf Məmmədov (2645) 76-cı, Eltac Səfərli (2644) isə 78-ci yerdədir.
Cədvələ norveçli Maqnus Karlsen başçılıq edir (2840). ABŞ şahmatçıları Hikaru Nakamura (2810) və Fabiano Karuana (2795) müvafiq olaraq sonrakı yerləri tuturlar.
Qadınların sıralamasında Azərbaycan təmsilçisi Ülviyyə Fətəliyeva (2434) 27-ci yerdədir. Günay Məmmədzadə (2390) 53-cü, Gövhər Beydullayeva (2364) 77-ci, Xanım Balacayeva (2351) isə 90-cı pillədə mövqe tutub.
Qadınların reytinq cədvəlində çinli Yifan Hou (2613) liderdir.
