"Seltik" 55-ci dəfə Şotlandiya çempionu oldu

Şotlandiya Premyer Liqasının 34-cü turunda "Dandi Yunayted" və "Seltik" qarşılaşıb.

Oxu.Az xəbər verir ki, oyun Dandi şəhərindəki "Tennadays Park" stadionunda keçirilib. "Seltik" 0:5 hesabı ilə qalib gələrək 55-ci dəfə Şotlandiya çempionu olub.

Bu qələbə "Seltik"ə Şotlandiya çempionatının cədvəlində birinci yeri təmin edib. Komandanın 81 xalı var. "Reyncers" 66 xalla ikinci yerdə qərarlaşıb.

Beləliklə də, "Seltik"in ölkə çempionluğu sayına görə "Reyndcers" ilə bərabərləşib. Bundan əlavə, bu komanda üçün son 14 mövsümdə qazanılan 13-cü çempionluq olub.