AFFA-nın baş katibi vəzifəsinə YENİ TƏYİNAT

AFFA-nın İcraiyyə Komitəsinin bu gün keçirilmiş iclasında baş katib vəzifəsinə Cahangir Fərəcullayevin təyinatı ilə bağlı qərar qəbul olunub.

Oxu.Az xəbər verir ki, bu barədə AFFA-nın Mətbuat Xidməti məlumat yayıb.

Cahangir Fərəcullayev 1981-ci ildə Bakıda anadan olub. 1999-2005-ci illərdə Bakı Dövlət Universitetinin Şərqşünaslıq fakültəsində bakalavr və magistr təhsili alıb və fərqlənmə diplomlarla bitirib.

O, 2004-2019-cu illərdə Engin, Deniz Service, Gametv.az Prodüser Mərkəzi, AGBank, Novartis, Sandoz və JTI Azərbaycan şirkətlərində müxtəlif vəzifələrdə çalışıb, biznesin inkişafı və marketinq üzrə müstəqil konsultant kimi çıxış edib.

2019-2020 illərdə "Caspiantech" şirkətinin baş direktoru olub. 2021-ci ildən 2025-ci ilə qədər "Azərlotereya" ASC-də baş direktorun müşaviri və LMK şirkətinin baş direktoru vəzifəsində çalışıb.

16:22

Yerli mediada yayılan xəbərlərə görə Azərbaycan Futbol Federasiyaları Assosiasiyası (AFFA) rəhbərliyində şok ayrılıq baş verib. Belə ki, Sərxan Hacıyev baş katib postundan gedib.

Bu barədə Oxu.Az-a açıqlama verən AFFA-nın mətbuat katibi Elnur Məmmədli xəbərin doğru olmadığını bildirib.

Qeyd edək ki, Sərxan Hacıyev AFFA-da baş katib postu ilə bərabər, həm də icraçı vitse-prezident vəzifəsində çalışır.

Anar Həsənov