Dözümlülük yarışları üzrə dünya çempionatının (WEC) "Toyota Gazoo Racing" komandasının pilotu Rio Hirakava "Formula-1" üzrə dünya çempionatında çıxış edən "Haas" ilə müqavilə imzalayıb. Yaponiyalı sürücü ABŞ komandasının rəsmi ehtiyat sürücüsü olub.
Oxu.Az xəbər verir ki, Hirakava "Haas" komandasının ehtiyat sürücüsü kimi bu mövsüm dörd cümə məşqində iştirak edəcək.
Belə ki, gündoğan ölkənin nümayəndəsi Oliver Bermanın avtomobilini Bəhreyn və Meksikada idarə edəcək, Esteban Okon isə onu İspaniya və Əbu-Dabidə bolidi ilə təmin edəcək.
Qeyd edək ki, yaponiyalı pilot bir neçə "Formula-1" komandasında eyni vəzifəni icra edib.
