Tramp "TikTok"la sövdələşmənin pozulmasının səbəbini açıqladı

ABŞ-də "TikTok"un aktivlərinin satın alınması Birləşmiş Ştatlar Administrasiyasının bütün Çin məhsullarına əlavə gömrük rüsumları tətbiq etməsindən sonra pozulub.

Oxu.Az xarici KİV-ə istinadən xəbər verir ki, bu barədə ABŞ Prezidenti Donald Tramp Ağ Evdə jurnalistlərə verdiyi açıqlamada söyləyib.

"Bizim razılaşmamız var idi, daha doğrusu, biz buna kifayət qədər yaxın idik, lakin sonra Çin rüsumlara görə şərtləri dəyişdi. Əgər mən rüsumları bir qədər endirsəydim, onlar bu müqaviləni 15 dəqiqəyə imzalayacaqdılar", - deyə D.Tramp qeyd edib.

D.Tramp baş verənlər tətbiq edilən rüsumların gücünü göstərir.

Xatırladaq ki, Çin ABŞ-dən idxal olunan mallara 34 faiz əlavə gömrük rüsumunun tətbiq ediləcəyini açıqlayıb. Sözügedən qayda aprelin 10-dan etibarən qüvvəyə minəcək.