Türkiyə Kuboku: "Beşiktaş" evində uduzdu

Türkiyə Kubokunun 1/4 final mərhələsi çərçivəsində "Beşiktaş" - "Göztepe" matçı baş tutub.

Oxu.Az xəbər verir ki, matçda hesabı 30-cu dəqiqədə ev sahiblərindən Muçi açıb.

"Beşiktaş"ın futbolçusu Sanuç 36-cı dəqiqədə qırmızı vərəqə alaraq komandasını azlıqda qoyub. Onun səbəb olduğu cərimə zərbəsini Romulo dəqiq yerinə yetirərək, hesaba tarazlıq gətirib.

Romulo 79-cu dəqiqədə penaltidən həm özünün, həm də komandasının matçda ikinci qolunu vurub.

Matçda son nöqtəni də Romulo qoyub. O, 81-ci dəqiqədə fərqlənərək het-trikə imza atıb.

Matç 1:3 hesabı ilə qonaqların qələbəsi ilə yekunlaşıb.

Qeyd edək ki, "Göztepe" yarımfinal mərhələsində "Trabzonspor"la qarşılaşacaq.