"Real Madrid" və "Bavariya"nın keçmiş yarımmüdafiəçisi Xames Rodriges azad agent qismində MLS-nin "Minnesota Yunayted" klubu ilə müqavilə imzalayıb.
Oxu.Az xəbər verir ki, bu barədə "Minnesota Yunayted"in mətbuat xidməti məlumat yayıb.
34 yaşlı kolumbiyalı ilə razılaşma 2026-cı ilin iyununa qədər nəzərdə tutulub. Müqavilədə razılaşmanı həmin ilin dekabrına qədər uzatmaq bəndi də yer alıb.
Xames Rodrigesin son klubu Meksikanın "Leon" komandası olub.
