"Zirə" klubunun futbolçuları milli komandalarının heyətində növbəti oyunlarını keçiriblər.
Oxu.Az klubun mətbuat xidmətinə istinadla xəbər verir ki, Mozambik millisində çıxış edən Rikardo Gimaraeş Sudan yığmasına qarşı keçirilən oyunda 1 qol və 1 məhsuldar ötürmə ilə yadda qalıb. Mozambik seçməsi rəqibini 4:1 hesabı ilə məğlub edib.
Ruanda millisində çıxış edən Anje Mutsinzi isə səfərdə Kabo-Verde yığması ilə qarşılaşıb. "Zirə"nin müdafiəçisi komandasının 2:1 hesablı qələbəsinə 1 məhsuldar ötürmə ilə töhfə verib.
Qeyd edək ki, "Zirə" Azərbaycan çempionatında 6 turdan sonra 10 xalla 5-ci pillədə qərarlaşıb.
Qaynar xətt:
(055) 224 12 12
