Yurgen Kloppun futbol üzrə Almaniya milli komandasının yeni baş məşqçisi postuna təyinatı rəsmiləşib.
Oxu.Az xəbər verir ki, bu barədə Almaniya Futbol İttifaqının prezidenti Bernd Noyendorf mətbuat konfransında məlumat verib.
Təcrübəli mütəxəssis bu vəzifədə Yulian Nagelsmannı əvəzləyib. Nagelsmannın rəhbərliyi altında Almaniya millisi dünya çempionatının (DÇ-2026) 1/16 final mərhələsində Paraqvaya uduzaraq mübarizəni dayandırıb.
Tanınmış jurnalist və insayder Fabritsio Romanonun sözlərinə görə, Kloppla müqavilə 2030-cu ilin iyul ayınadək nəzərdə tutulub.
59 yaşlı məşqçinin karyerasında son iş yeri "Liverpul" klubu olub. Alman mütəxəssis 2015-24-cü illərdə İngiltərə klubuna rəhbərlik edib. O, "Liverpul"dan ayrıldıqdan sonra "Red Bull" şirkətində futbol əməliyyatları üzrə rəhbər vəzifədə çalışıb.
Təcrübəli mütəxəssis məşqçilik karyerasında Almaniyanın "Maynts" (2001-2008) və "Borussiya Dortmund" (2008-15) klublarını da çalışdırıb.
