10 
Avq
2019
11:08
345
92
9072
Virtual karabakh

Bakıda qurbanlıq öküz prospekti bir-birinə qatdı - YENİLƏNİB + VİDEO

Dünən nəqliyyatın hərəkətinə mane olan öküzlə bağlı DİN məlumat yayıb.

Bildirilib ki,  avqustun 9-da saat 17:00 radələrində S.Bəhlulzadə küçəsi 20 A-nın qarşısında Bakı şəhər sakini, 1983-cü il təvəllüdlü Elbrus Fazil oğlu Təhməzova məxsus öküz qaçaraq Nəsimi və Nərimanov rayonu ərazilərində əhalinin həyat və sağlamlığı üçün təhlükə yaradıb, həmçinin, hərəkətdə olan avtomobillərə maddi ziyan vurub.

Buna görə də öküz saat 19:00-da Ziya Bünyadov prospekti 2096-cı məhəllədə ƏÇPA-nın əməkdaşları tərəfindən zərərləşdirilib.

10:02

Öküzün Bakı küçələrində qaçması böyük marağa səbəb olub.

Oxu.Az xəbər verir ki, bu hal ötən gün axşam saatlarında qeydə alınıb.

Belə ki, Qurban bayramında kəsilməsi üçün alınan öküz Ziya Bünyadov prospektində kənar yola çıxaraq qaçmağa başlayıb. Heyvan nəqliyyatın hərəkətinə də maneə yaradıb.

Öküzü saxlamaq üçün hətta Post Patrul Xidməti əməkdaşlarının qoşulduğu əməliyyat bir müddət davam edib.

Göndərdi: Hüseyn Miri

Bizimlə əlaqə saxlayın

Digər Maraqlı xəbərləri