Mikayıl Cabbarov Sunniya Durrani-Camal ilə görüşüb

İqtisadiyyat naziri Mikayıl Cabbarov Asiya İnkişaf Bankının (AİB) Azərbaycandakı nümayəndəliyinin ölkə üzrə direktoru Sunniya Durrani-Camal ilə görüşüb.

Oxu.Az xəbər verir ki, bu barədə iqtisadiyyat naziri "X" hesabında məlumat yayıb.

"Keçirdiyimiz görüşdə ölkəmiz üçün ortamüddətli dövrdə sosial-iqtisadi inkişaf və investisiyaların təşviqi üzrə prioritetləri və AİB-nin Ölkə Tərəfdaşlıq Strategiyasının (2025-29) əhatə edəcəyi sahələri nəzərdən keçirdik.

Qarşıdakı dövrdə AİB-lə əməkdaşlığın əsas istiqamətlərini dayanıqlı, şaxələndirilmiş iqtisadiyyata və yaşıl artıma dəstək, özəl sektorun gücləndirilməsi, insan kapitalının inkişafı, rəqəmsallaşma və iqlim çağırışlarına uyğun biznes həllərinin stimullaşdırılması təşkil edəcək", - nazir paylaşımında qeyd edib.

Asiya İnkişaf Bankının (AİB) (@ADB_HQ) #Azərbaycan-dakı Nümayəndəliyinin ölkə üzrə direktoru xanım Sunniya Durrani-Camal ilə keçirdiyimiz görüşdə ölkəmiz üçün ortamüddətli dövrdə sosial-#iqtisadi inkişaf və #investisiya-ların təşviqi üzrə prioritetləri və AİB-nin Ölkə Tərəfdaşlıq… pic.twitter.com/24fW8l90aE

— Mikayil Jabbarov (@MikayilJabbarov) February 18, 2025