"Nine Senses Fest 2025" Bakıda harmoniya, hərəkət və bayram ab-havası ilə başladı

İlin səbirsizliklə gözlənilən "Nine Senses Fest 2025" festivalı bu gün Bakının bir neçə tanınmış məkanında təntənəli şəkildə açılıb.

Oxu.Az xəbər verir ki, festivalın ilk günü yüzlərlə iştirakçını özünü tanıma, sağlamlıq və mənəvi zənginlik yolunda bir araya gətirib.

Festival Heydər Əliyev Fondunun vitse-prezidenti və Azərbaycan Yoqa Federasiyasının prezidenti Leyla Əliyevanın təşəbbüsü və dəstəyi ilə keçirilir və bu il də "Ənənədən-hərəkətə" şüarı ilə qədim bilikləri müasir yanaşmalarla birləşdirərək davam edir.

Günün ilk saatlarında "The Club Port Baku" və "Nine Senses" Mərkəzinin şəhər filialında günəşin doğuşunu qarşılayan yoqa və meditasiya sessiyaları ilə festival başlayıb. Tanınmış mütəxəssislər - Anar Abbasov, Marat Vahabov, Nandan Qautam və digərləri balans yoqası, bədii yoqa və dinamik meditasiya seansları ilə iştirakçıları bədən, zehin və ruh harmoniyasına dəvət ediblər.

Günorta saatlarında müxtəlif məkanlarda Kundalini yoqası, bioenergetika, neyrooyanış, rəqs terapiyası və səs terapiyası kimi dərin sağalma təcrübələri təqdim olunub. Eyni zamanda, "Sea Breeze Event Hall" zonasında yerləşən Terrace zonasında tarot oxuları, yerli ustaların yarmarkası, çay mərasimləri, incəsənət terapiyası və canlı hang musiqi ustad dərsləri ilə yaradıcı ruh yüksəlib.

Saat 19:00-da "The Club Port Bakuda"da keçirilən açılış mərasimi festival iştirakçılarını, sənətçiləri və dəvətliləri bir araya gətirərək rəmzi olaraq daxili oyanışa start verib. Axşam isə Vibrosoundlab tərəfindən təqdim olunan immersiv səs terapiyası seansı ilə dərin və transformasiyaedici bir atmosfer yaradılıb.

Festival çərçivəsində Bharat Thakur, Sudhakar Dass və Perukua kimi dünya miqyaslı ustalar öz təcrübələrini paylaşacaqlar. Festivalın əsas sponsoru ötən il olduğu kimi yenə də "Azersun Holdinq"dir.

Fəstival çərçivəsində "Sea Breeze Event Hall"da Azərbaycan Tekstil Assosiasiyasının və Shoppingaz.az platformasının təşkilatçılığı ilə keçirilən "Made in Azerbaijan" yarmarkasında 200-dən çox yerli brend öz məhsullarını təqdim edir.

Biletlər artıq satışdadır: ninesenses.az/nsf25

Gəlin birlikdə hərəkət edək, hiss edək və həyatın doqquz duyğusunu birlikdə yaşayaq!

"Nine Senses Fest 2025" Bakıda harmoniya, hərəkət və bayram ab-havası ilə başladı