"Muhteşem Yüzyıl" filmində Sultan I Süleyman obrazı ilə tanınan türkiyəli artist Halit Ergenç 1 il 10 ay 15 gün həbs cəzasına məhkum edilib. Lakin aktyorun daha əvvəl məhkumluğu olmadığı üçün cəzası qeyri-müəyyən müddətə təxirə salınıb.
Oxu.Az peopletalk.ru-ya istinadən xəbər verir ki, bunun daha yüngül cəza ilə bağlı qərar vermək məqsədilə edildiyi güman olunur.
Sənətçi 2013-cü ildə İstanbulda keçirilən etiraz aksiyaları ilə bağlı yalan ifadə verməkdə ittiham olunur. Halit Ergenç özü təqsirli olmadığını bildirib. Növbəti məhkəməni gözləyərkən, qanunla bağlı problem yaşayan digər türk ulduzları ilə də sizi tanış etmək istəyirik.
"Yasak Elma" serialının ulduzu Sevil Akdağın adı ölümlə bağlı cinayət işində hallanır. 2025-ci ilin aprelində rəfiqəsi Elif Kırava ilə mübahisə edən aktrisa hirslənərək ona 30-a yaxın bıçaq zərbəsi endirib. Baş verənlərdən sonra Sevil Akdağ intihar etmək istəyib, amma çatmayıb - onu həbs ediblər. Dindirmə zamanı o, cinayəti sərxoş halda törətdiyini etiraf edib, ona görə də təfərrüatı xatırlamayıb. İndi sənətçini ağır həbs cəzası gözləyir.
"Kızılcık Şerbeti"ndə Nilay obrazı ilə tanınan Feyza Civelek 2024-cü ildə qanunla bağlı problemlər yaşayıb. Narkodilerlə görüş zamanı ulduz polis tərəfindən saxlanılıb. Məlum olub ki, aktrisa sifarişi götürmək istəsə də, mal çatdırılmadığından onu buraxıblar.
"Muhteşem Yüzyıl" serialında Behram Paşa obrazını canlandıran Adnan Koç 2018-ci ildə qanunsuz maddələrin satışı və saxlanılmasında şübhəli bilinərək həbs edilib. Aktyor asanlıqla təslim olmaq fikrində olmayıb və polisə müqavimət göstərərək işini çətinləşdirib. O, 16 il 8 ay müddətinə azadlıqdan məhrum edilib.
"Aşk-ı Memnu" serialının ulduzu Kıvanç Tatlıtuğ 2014-cü ildə açılan cinayət işində müttəhim kimi çıxış edib. Aktyor son iki ildə gəlirlərini gizlətməkdə ittiham olunub. Ulduz 10 il müddətinə azadlıqdan məhrum edilib. Ancaq heç bir cəza çəkməyib, çünki son anda sənətçinin vəkili müştərisinin baş verən hadisədə zərərçəkmiş olduğunu və yalnız mühasibin günahkar olduğunu sübut edib.
"Delibal" filmi ilə tanınan Çağatay Ulusoyun da qanunla bağlı problemləri olub. 2013-cü ildə o, qadağa olunmuş maddələrin dövriyyəsində şübhəli bilinərək həbs edilib. Aktyor malın yayılmasında iştirakını inkar etsə də, özü də onun istifadəçisi olduğunu etiraf edib. Nəticədə məhkəmə ulduza 4 il müddətinə azadlıqdan məhrumetmə cəzası təyin edib. Hökmə yenidən baxıldıqdan sonra sənətçinin həbs müddəti 10 aya endirilib.
