“Yeşilçam”ın ulduzu Bahar Öztan əməliyyat olunub.
Oxu.Az Türkiyə KİV-ə istinadla xəbər verir ki, yumurtalıq xərçəngindən əziyyət çəkən aktrisa bir neçə gün əvvəl 11 saatlıq əməliyyat keçirib və reanimasiyaya yerləşdirilib. B.Öztanın ötən gün palataya köçürüldüyü və səhhətinin yaxşı olduğu bildirilir.
Qeyd edək ki, Bahar Öztan 11 avqust 1962-ci ildə dünyaya gəlib. Ekranda ilk dəfə saç şampunu reklamı ilə görünüb. Daha sonra “Kiçik ağa”, “Bizim məhəllə”, “Sevənlər ölməz”, “Sönmüş ocaq” və s. filmlərdə rol alıb. Xalq arasında “Qəmzəli gözəl” ləqəbi ilə tanınır.
A.S.
www.oxu.az
