Ən son xəbərləri bizim "WhatsApp" kanalımızda izləyin

Azərbaycan Ukraynaya humanitar yardım üçün bir milyon ABŞ dolları ayırıb
Prezident İlham Əliyev Ukraynaya humanitar yardım göstərilməsi məqsədilə Azərbaycan Respublikasının Energetika Nazirliyinə vəsait ayrılması haqqında Sərəncam imzalayıb.
Bununla bağlı President.az məlumat yayıb.
Sərəncama əsasən, Ukraynaya humanitar yardım göstərilməsi məqsədilə Azərbaycan Respublikasında istehsal olunan elektrik avadanlığının satın alınması və göndərilməsi üçün Azərbaycan Respublikasının 2025-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Energetika Nazirliyinə 1 milyon ABŞ dollarının manat ekvivalentində vəsait ayrılıb.
Qeyd edək ki, Azərbaycan Respublikası humanizm prinsiplərinə söykənərək, ikitərəfli və çoxtərəfli əsasda dünyanın bir çox ölkəsinə humanitar yardımlar göstərir.
Ukraynada yaranmış son vəziyyətlə əlaqədar Azərbaycan dövləti tərəfindən Ukrayna xalqına da bir neçə dəfə humanitar yardım göndərilib.

"humanitar yardım" teqi üzrə xəbərlər
- Azərbaycandan Ukraynaya göndərilən humanitar yardım və yenidənqurmaya dəstək 40 milyon dolları keçib
- Azərbaycandan Ukraynaya növbəti humanitar yardım göndərilib
- Azərbaycandan göndərilən humanitar yardım Suriyaya çatdı
- Bakıdan Suriya üçün göndərilən yardım TIR-ları Türkiyəyə daxil olub
- Nigeriyada kilsə izdihamı: Azı 10 nəfər ölüb