Elmar Məmmədyarov Belçika və Almaniyaya səfər edəcək

Azərbaycanın xarici işlər naziri Elmar Məmmədyarov dekabrın 7-də Brüssel şəhərində keçiriləcək NATO-nun Əfqanıstana Qətiyyətli Dəstək Missiyasına töhfə verən ölkələrin xarici işlər nazirləri toplantısında iştirak etmək üçün Belçikaya işgüzar səfər edəcək.

Bu barədə Oxu.Az-a XİN-in mətbuat xidmətindən məlumat verilib. 

E.Məmmədyarov həmçinin dekabrın 8-9-da Hamburq şəhərində keçiriləcək ATƏT-in 23-cü Xarici İşlər Nazirləri Şurasının iclasında iştirak etmək üçün Almaniyaya işgüzar səfər edəcək.

Sözügedən tədbirlərdə Elmar Məmmədyarovun çıxışları və bir sıra ikitərəfli görüşləri nəzərdə tutulub.

N.О.

www.oxu.az