Parlament payız sessiyasında hansı işləri görəcək?

Milli Məclisinin 2026-cı il payız sessiyasının qanunvericilik işləri planı təsdiqlənib.

Oxu.Az xəbər verir ki, sözügedən məsələ parlamentin bugünkü plenar iclasında müzakirəyə çıxarılıb.

İş planına əsasən, dövlət büdcəsi zərfinə daxil olan qanun layihələrinin, "Azərbaycan Respublikası Dövlət Qulluğu Məcəlləsinin layihəsi"nin, "Pulsuz hüquqi yardım haqqında", "Korrupsiya ilə əlaqədar hüquqpozmalarla bağlı məlumat verən şəxslərin həvəsləndirilməsi və müdafiəsi haqqında", "Aqrar sahə haqqında", "Məhsul şəhadətnaməsi haqqında", habelə Azərbaycan Respublikasının qanunlarında dəyişikliklər edilməsi haqqında qanun layihələrinin qəbulu nəzərdə tutulur.

Sözügedən məsələlər səsə qoyularaq bir oxunuşda qəbul olunub.