"Rus Evi"ndə söküntü: Qanunsuz lövhə götürüldü

"Rus Evi"nin önündəki lövhə sökülür.

Oxu.Az xəbər verir ki, bununla bağlı "Report"un "Telegram" kanalı videogörüntü paylaşıb.

Qeyd edək ki, "Rus Evi"nin fəaliyyət göstərdiyi binanın girişində yerləşdirilmiş məlumat lövhəsində "Reklam haqqında" Azərbaycan Respublikası Qanunun tələblərinin pozulması ilə bağlı məsələyə Azərbaycan Respublikasının Dövlət Reklam Agentliyində (ADRA) baxılıb.

Bildirilib ki, Bakı şəhərində yerləşən "Rus Evi"nin binasının üzərindəki məlumat lövhəsinin üzərində adlar birinci Azərbaycan, daha sonra rus dilində qeyd olunmalıdır.