28 
Dek
2018
12:52
87
42
5705
Virtual karabakh

“Qarabağ”ın legioneri: Zubirin driblinqi Modriçdən daha yaxşıdır

“Qarabağ”ın bolqarıstanlı yarımmüdafiəçisi Simeon Slavçev sosial şəbəkədə fanatlarının suallarını cavablandırıb.

Oxu.Az xəbər verir ki, müxtəlif mövzularda danışan futbolçuya azərbaycanlı azarkeşlər də sual ünvanlayıb:

– Sizcə, dünyanın ən yaxşı klubu hansıdır?

– “Liverpul”.

– Meydanda ən çətin rəqibiniz kim olub?

– Kilian Mbape.

– Ronaldu, yoxsa Messi?

– Kriştianu.

– İstirahət üçün ən yaxşı yer.

– Dubay.

– Sizin üçün “İmarət Tayfa” nə deməkdir?

– Futbolun məqsədi.

– “Qarabağ”ın ən güclü futbolçusu kimdir?

– Mahir Mədətov, Abdulla Zubir, Yakub Jezniçak, Dani Kintana, Qara Qarayev, Araz Abdullayev, Miçel, Donald Qerye, Filip Ozobiç.

– Niyə altı nömrəli formanı sevirsiniz?

– Çünki futbola altı yaşımda gəlmişəm.

– Bolqarıstanın tarixində ən yaxşı futbolçu.

– Xristo Stoiçkov.

– Bakı, yoxsa Dubay?

– Bakı.

– Kriştianu Ronaldu haqda nə düşünürsünüz?

– Futbol tarixində ən qüsursuz futbolçu.

– Zubir, yoxsa Luka Modriç?

– Zubirin driblinqi Modriçdən daha yaxşıdır.

– “Qarabağ”da xoşbəxtsiniz?

– Bəli.

– Hansı bolqar futbolçu ilə “Qarabağ”da oynamaq istərdiniz?

– Dimitar Evtimov, Bojidar Çorbaciyski, Milen Qamakov və Georgi Milanovla birlikdə.

– Daha güclü komandada oynaya bilərsiniz?

– Bəli, amma bunun üçün çox çalışmaq, daha istəkli olmaq lazımdır. Həm də yaxşı menecerə sahib olmalısan.

– Bolqarıstana qayıtmaq barədə düşünürsünüz?

– Hələlik, belə bir planım yoxdur. Amma gələcəkdə nəyin necə olacağını heç kim bilmir.

– Ağdam haqda nə bilirsiniz?

– Hər şeyi.

– Məsut Özil, yoxsa Modriç?

– Modriç.

– Futbolçu olmasaydınız, nə olardınız?

– Peşəkar FIFA Play Station oynayan.

– Növbəti mövsüm “Qarabağ” Çempionlar Liqasına düşə biləcəkmi?

– Biz bunun üçün əlimizdən gələni edəcəyik. 

Səbuhi MUSAYEV

www.oxu.az

ANDROID əməliyyat sistemli smartfonlar

iOS əməliyyat sistemli smartfonlar

Bizimlə əlaqə saxlayın

Digər İdman xəbərləri