Azərbaycanlı döyüşçünün UFC-də debütü uğursuz alındı - VİDEO

Əslən azərbaycanlı olan Rafael Fiziyev UFC-də debütünü rəsmiləşdirib.

Oxu.Az xəbər verir ki, o, Rusiyanın Sankt-Peterburq şəhərində keçirilən turnirdə dağıstanlı Məhəmməd Mustafayev qarşısında cəmi 1 dəqiqə 26 saniyə tab gətirə bilib.

Belə ki, Rafael Fiziyev nokauta düşüb. Bu, onun MMA döyüşlərində ilk məğlubiyyəti kimi tarixə düşüb.

Qeyd edək ki, bu görüşü izləyənlər arasında yunan-Roma güləşi üzrə dünya çempionumuz Rəsul Çunayev və UFC qalibi Həbib Nurməhəmmədov da olub

Səbuhi MUSAYEV