27 
Sen
2020
13:37
959
51
13737
Virtual karabakh

“HaberGlobal” Ermənistan ordusunun Azərbaycanın cəbhə xəttindəki təxribatından yazıb

“HaberGlobal” Ermənistanın Azərbaycanın cəbhə xəttində törətdiyi təxribatdan yazıb. Məqalədə deyilir: 

Azərbaycan Müdafiə Nazirliyi Ermənistanın cəbhə xətti boyunca genişmiqyaslı hücum həyata keçirdiyini bildirib. Yaşayış yerlərinə edilən hücumlar nəticəsində ölənlər var. Azərbaycan ordusu əks hücuma keçib.

Azərbaycan Müdafiə Nazirliyinin açıqlamasına görə, saat 06.00 radələrində Ermənistan ordusu cəbhə xətti boyunca genişmiqyaslı təxribatlar həyata keçirərək Azərbaycan ordusunun mövqelərinə və mülki yaşayış məntəqələrinə irimiqyaslı silahlardan, toplardan və minaatanlardan atəş açıb.

MÜLKİ VƏTƏNDAŞLARDAN ÖLƏNLƏR VAR

Bəyanatda deyilir ki, Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəydiyi də bildirilib”.

AZƏRBAYCANDAN CAVAB TƏDBİRLƏRİ

Mülki və hərbi itkilərin dəqiqləşdirildiyi, Azərbaycan ordusunun da düşmənin təxribanının qarşısını almaq və cəbhəyə yaxın bölgələrdə mülki əhalinin təhlükəsizliyini təmin etmək məqsədilə cavab tədbirləri görüldüyü bildirilib.

Azərbaycan Müdafiə Nazirlyinin digər bir açıqlamasnda mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verdiyi bildirilib.

ERMƏNİSTANA AİD 12 ƏDƏD ZENİT-RAKET SİSTEMİ MƏHV EDİLİB

“Şəxsi heyət və tank bölmələrimiz raket-artilleriya qoşunlarının bölmələri, cəbhə aviasiyası və pilotsuz uçuş aparatlarının dəstəyi ilə Ermənistan silahlı qüvvələrinin ön xətdə və müdafiənin dərinliyində yerləşən xeyli sayda canlı qüvvəsi, hərbi obyektləri və döyüş texnikasını aşkar edərək məhv edirlər”, - deyə bildirilən bəyanatda cəbhə xəttinin fərqli yönlərindən Ermənistana aid 12 ədəd “OSA” zenit-raket kompleksi məhv edildiyi vurğulanıb.

DÖYÜŞ HELİKOPTERİMİZ VURULUB, HEYƏT ÜZVLƏRİ SAĞDIR

Açıqlamada cəbhənin Tərtər istiqamətində Azərbaycan Hərbi Hava Qüvvələrinin döyüş helikopteri vurulduğu, ekipaj üzvlərinin sağ olduğu da ifadə edilib.

Azərbaycan Prezidentinin köməkçisi Hikmət Hacıyev “Twitter”də mülki vətəndaşlara hücumun miqyasını nümayiş edib”.

Bizimlə əlaqə saxlayın

Digər Müharibə xəbərləri