Türkiyə prezidenti Rəcəb Tayyib Ərdoğan rusiyalı həmkarı Vladimir Putinlə son danışığında ondan Türkiyə iqtisadiyyatındakı problemlərlə bağlı heç bir kömək istəməyib.
Oxu.Az xəbər verir ki, bu barədə jurnalistlərə rusiyalı liderin mətbuat katibi Dmitri Peskov bildirib.
“Xeyr, heç bir xahiş daxil olmayıb”, - deyə o qeyd edib.
İki liderin 10 avqust tarixli telefon danışıqlarının məzmununu şərh edən Kreml rəsmisi xatırladıb ki, ikitərəfli layihələr, o cümlədən “Türk axını” qaz kəməri və “Akkuyu” AES müzakirə olunub.
