Ən çox “dislayk” yığan video məlum oldu - VİDEO
Ən çox “dislayk” yığan video məlum oldu - VİDEO
“Youtube” videoportalında il ərzində baş vermiş əsas hadisələr haqqında hər il dərc olunan “YouTube Rewind” videosu rekord sayda “dislayk” toplayıb.
Oxu.Az xəbər verir ki, bu haqda “The Verge” nəşri məlumat yayıb.
Dekabrın 6-da portala yerləşdirilən 2018-ci ilin yekunlarına dair videoçarx bir həftədən çox vaxt ərzində 11 milyondan çox dislayk yığıb. Yalnız 2,1 milyon istifadəçi videonu bəyənib. Ümumilikdə videoçarxa 125 milyon nəfər baxıb.
Texnobloqer Markes Braunli bildirib ki, videoicmalın bu qədər “bəyənməmə” toplamasına əsas səbəb “YouTube” idarəçilərinin ilin yekunlarına “videobloqerlərin yaratdığı real mədəniyyət nümunələri əvəzinə”, öz istədikləri materialları “sırıması”dır.
Qeyd edək ki, bundan əvvəlki “dislayk” anti-rekorduna kanadalı müğənni Castin Biberin “Baby” videoklipi imza atmışdı. Sözügedən videoklipə 2 milyard insan baxıb, onlardan 9.8 milyon nəfəri dislayk edib, 10 milyon nəfər isə videonu bəyənib.
Oxu.Az yeniləndi!