Berlində sürücüsüz hərəkət edən pulsuz elektrobuslar işə başlayır - FOTO/VİDEO

Bu ilin dekabr ayından etibarən Berlin küçələrində adi pilotsuz elektrik avtobusu ilə pulsuz hərəkət etmək mümkün olacaq.

Bu barədə “EuroPulse” xəbər yayıb.

İl ərzində şəhərin mərkəzində iki marşrutda üç kiçik (10 sərnişindən çox olmayan) nəqliyyat vasitəsi işləyəcək. Onlarla səyahət pulsuz olacaq.

Keçən qış Berlində elektrik avtobusu artıq sınaqdan keçirilmişdi. Ancaq onun marşrutu indiki ilə müqayisədə iki dəfə qısa idi.

İndi bu maşınlar daha sürətli olub: əvvəllər maksimum sürət saatda cəmi 12 kilometr (velosipeddən daha yavaş) idisə, indi limit saatda 15 kilometrə qaldırılıb, yazda isə saatda 18 kilometrə çatdırılması düşünülür.