Beyləqanda avtomobildə köməksiz vəziyyətdə qalan dörd nəfərin vəziyyəti açıqlanıb.
Bu barədə Oxu.Az-ın sorğusuna cavab olaraq Beyləqan Rayon Mərkəzi Xəstəxanasından məlumat verilib.
Qeyd olunub ki, avqustun 8-də, gecə saat 4-də baş verən yol-nəqliyyat hadisəsi nəticəsində ikisi azyaşlı olmaqla dörd nəfər rayon mərkəzi xəstəxanasına hospitalizasiya olunub:
"Onlara bədənin müxtəlif nahiyələrinin səthi sıyrıqları diaqnozu təyin edilib. Xəsarət alanların hər birinə zəruri tibbi yardım göstərilib və ambulator müalicə üçün evə buraxılıblar".
Məlik Məlikov
Beyləqanda avtomobildə köməksiz vəziyyətdə qalan dörd nəfər xilas edilib.
Bu barədə Oxu.Az-a Fövqəladə Hallar Nazirliyindən (FHN) məlumat verilib.
Qeyd olunub ki, Nazirliyə Beyləqan rayonu, Allahyarlı kəndi ərazisində yol-nəqliyyat qəzasının baş verməsi və vətəndaşların avtomobildə köməksiz vəziyyətdə qalması barədə məlumat daxil olub:
"Məlumatla əlaqədar dərhal əraziyə polis əməkdaşları və yanğınsöndürənlər cəlb ediliblər. Hadisə yerində əməliyyat şəraiti qiymətləndirilərkən "Lada" markalı minik avtomobilinin idarəetməni itirərək su kanalına düşdüyü və vətəndaşların nəqliyyat vasitəsində köməksiz vəziyyətdə qaldığı müəyyən olunub. Keçirilən birgə əməliyyat sayəsində avtomobildə köməksiz vəziyyətdə qalan ikisi azyaşlı olmaqla dörd nəfər xilas edilərək təcili tibbi yardım briqadasına təhvil verilib".
