Azərbaycanda bir gündə altı dəfə ardıcıl zəlzələ baş verib - YENİLƏNİB + FOTO

Azərbaycanda zəlzələ baş verib.

Oxu.Az-ın FHN-in saytına istinadən verdiyi xəbərə görə, sentyabrın 29-u, Bakı vaxtı ilə saat 20:35-də Qəbələ rayonundan 19 km şimal-şərqə zəlzələ qeydə alınıb.

Episentrdəki zəlzələ 4 bal olub. Zəlzələ ocağına yaxın yaşayış məntəqələrində zəlzələ 3 baldan artıq hiss olunub. İlkin məlumata əsasən, insan tələfatı olmayıb.

Faktla bağlı Kəpəz rayon Polis İdarəsində araşdırma aparılır.

17:01

Azərbaycanda daha bir zəlzələ baş verib.

AMEA Respublika Seysmoloji Xidmət Mərkəzindən Oxu.Az-a verilən məlumata görə, zəlzələ yerli vaxtla saat 07:30-da Xəzər dənizində qeydə alınıb.

3.0 maqnitudada, 51 km dərinlikdə baş verən yeraltı təkan hiss olunmayıb.

11:58

Yeraltı təkanlar Lerikdə qeydə alınıb.

Oxu.Az xəbər verir ki, bu gün ölkə ərazisində 4-cü zəlzələ baş verib.

Respublika Seysmoloji Xidmət Mərkəzindən verilən məlumata görə, zəlzələ yerli vaxtla saat 11:07-də Lerikdən 22 km şimal-şərqdə qeydə alınıb.

Yeraltı təkan 3.20 maqnitudada, 20 km dərinlikdə baş verib.

Zəlzələ hiss olunmayıb.

11:30

Bu gün səhər saatlarında baş vermiş zəlzələ ilə bağlı xüsusi komissiya yaradılıb.

Oxu.Az xəbər verir ki, bu barədə Publika.az-a Qəbələ rayon İcra Hakimiyyətindən məlumat verilib.

Komissiya zəlzələ nəticəsində yaşayış sahələri və inzibati binalara hər hansı bir zərər dəyib-dəymədiyini araşdırır:

“Bu vaxta qədər hər hansı dağıntı ilə bağlı məlumat daxil olmayıb. Lakin köhnə evlərdə kiçik çatların olması istisna edilmir. Komissiya bütün bu halları araşdıracaq”.

Qeyd edək ki, zəlzələ ilə bağlı Modern.az-a açıqlamasında Qəbələ rayon İcra Hakimiyyətinin informasiya təminatı və təhlil sektorunun müdiri Varis Yaqubov deyib ki, zəlzələdən sonra əhali təşvişə düşüb.

10:04

Azərbaycanda bir gündə üç dəfə ardıcıl zəlzələ baş verib.

Oxu.Az-ın Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadla verdiyi məlumata görə, yerli vaxtla 08:55-də yerin 11 km dərinliyində 3,1 bal gücündə zəlzələ qeydə alınıb.

Digər bir təkan isə 09:19-də baş verib. Yeraltı təkanlar 3,3 bal gücündə olub.

09:04

Qəbələ rayonunda zəlzələ baş verib.

Respublika Seysmoloji Xidmət Mərkəzindən Oxu.Az-a verilən məlumata görə, zəlzələ yerli vaxtla saat 06:38-də Qəbələ şəhərindən 22 km şimal-şərqdə qeydə alınıb.

12 km dərinlikdə baş verən yeraltı təkanlar episentrdə 6 bal, Qəbələdə 5 bal və Respublikanın əksər rayonlarında 4-3 bal gücündə hiss olunub.

Zəlzələ ətraf rayonlarda da hiss olunub və yeraltı təkanlar bir neçə saniyə davam edib.

İnsan tələfatı yoxdur.