Azərbaycanda ilk dəfə məktəb ləvazimatları sərgisi keçirilib.
Bu, sadəcə şuar deyil və əslində çox dərin məna daşıyır. Bunu bir daha Azərbaycanda keçirilən ölkə tarixində ilk dəftərxana və məktəb ləvazimatları sərgisi sübut etdi.
28 aprel tarixində keçirilmiş və “Faber Castell” (Almaniya) ilə “Oxford Limited” (Böyük Britaniya) təmsilçilərinin iştirakı ilə təşkil olunmuş sərgidə, həmçinin “Harvard University”, “University of Cambridge”, “Top Ukraine” şirkətləri də 2017-ci ilin ən yaxşı məhsullarını Azərbaycan bazarı üçün özəl olaraq təqdim etdi.
Təqdim olunan məhsulları ölkəmizin mağazalarında satılan məhsullardan fərqləndirən əsas cəhətlər sadəcə yüksək keyfiyyət deyil. Bu gün valideynlər keyfiyyətlə yanaşı, məhsulların erqonomik olmasına (ortopedik çantalar), uşaq üçün təhlükəsizliyinə, dizayn və markanın uşağın təhsilinə olan həvəsləndirici effektinə böyük diqqət yetirirlər. Bu trend sadəcə qərb ölkələri deyil, Azərbaycan üçün də artıq keçərlidir.
Sərgidə ekspertlər çıxış etdi, müştərilər məhsullar barədə rəylərini bildirdi, bu bazarda olan ümumi tendensiyalar barədə müzakirələr aparıldı, tədbirdə iştirak edən 50-dən çox şirkət və supermarket şəbəkəsi rəhbərləri məhsullarla yaxından tanış oldular. Sərgidə 2017-ci ilin trendləri müəyyən olundu və əsasında məktəb mövsümü üçün təklif olunacaq çeşidlər seçildi.
Qonaqlar və iştirakçılar tərəfindən rəğbətlə qarşılanmış tədbir şəhər restoranlarının birində keçirilən şam yeməyi ilə yekunlaşdı. Ziyafətdə qonarlar qeyri-formal şəraitdə biznes müzakirələri aparmaq, yaxından tanış olmaq üçün yaranmış imkandan faydalandılar. Təşkilatçılar və qonaqların ortaq rəyi ilə tədbirin daha da geniş format və məkanda hər il keçirilməsi qərara alındı.
Həmçinin sərgidə təqdim olunmuş məhsullarla istehsalçının rəsmi saytında tanış ola bilərsiniz: www.faber-castell.com
İ.N.
