Masallıda karantin qaydalarını pozan şəxslər saxlanılıb.
Daxili İşlər Nazirliyinin Mətbuat Xidmətindən verilən məlumata görə, oğlunun hərbi xidmətdən qayıtması münasibətilə Ərkivan qəsəbə sakini Lazım Həsənov həyətində məclis təşkil etmək istəyib.
Məclisin təşkilatçısı və həmin vaxt orada iştirak edən şəxslər saxlanılaraq, Masallı Rayon Polis Şöbəsinə gətiriliblər.
Karantin qaydalarının pozulmasına görə doqquz nəfər barəsində İnzibati Xətalar Məcəlləsinin müvafiq maddəsi ilə protokol tərtib edilib və onlar cərimə olunublar.
