Masallıda tapılan qartal müalicə olunub

Masallıda tapılmış qartal Altıağac Milli Parkının nəzdində fəaliyyət göstərən Vəhşi Təbiətin Bərpası Mərkəzi və Reabilitasiya Klinikasına təhvil verilib.

Bu barədə Oxu.Az-a Ekologiya və Təbii Sərvətlər Nazirliyindən məlumat verilib.

Qeyd olunur ki, qartala müvafiq yardım göstərilib. Reabilitasiya dövrü keçdikdən sonra quş vəhşi təbiətə buraxılacaq.

Xatırladaq ki, yanvarın 8-də Masallıda rayonunun Xırmandalı kənd sakini Anar Qurbanov itmiş atını axtarmağa gedərkən özlərinə məxsus otlaq sahəsində qartalla rastlaşıb. Qartal bir qanadından yaralı olub.

E.Ə.
www.oxu.az