Bakı şəhərinin Xətai rayonunda, Respublika Narkoloji Mərkəzindəki yanğın söndürülüb.
Oxu.Az-ın xəbərinə görə, hadisə yerinə fövqəladə hallar naziri Kəmaləddin Heydərov, respublikanın daxili işlər naziri Ramil Usubov, baş prokurorun müavini Rüstəm Usubov və Bakı şəhər Baş Polis İdarəsinin rəisi Mirqafar Seyidov gəlib.
Qeyd edək ki, bu gün Bakı şəhəri, Xətai rayonu, Zığ şossesi 13 ünvanında yerləşən Respublika Narkoloji Dispanserində yanğın baş verib.
İlkin məlumata əsasən, hadisə nəticəsində 24 nəfər ölüb.
