Ən son xəbərləri bizim "X" səhifəmizdə izləyin
Ölkədə qaçqın statusu əsasında yaşayanların sayı 23 faiz artıb
Bu ilin altı ayında 827 min nəfər əcnəbi və vətəndaşlığı olmayan şəxsin ölkəyə daxil olduğu qeydə alınıb. Bu da 2017-ci ilin müvafiq dövrü ilə müqayisədə 10 faiz artım deməkdir.
Oxu.Az xəbər verir ki, bunu Dövlət Miqrasiya Xidmətinin rəisi Vüsal Hüseynov bildirib.
O qeyd edib ki, daimi yaşamaq üçün icazə verilmiş əcnəbi və vətəndaşlığı olmayan şəxslərin sayında 25 faiz artım qeydə alınıb:
“1.859 nəfər daimi yaşamaq üçün icazə alıb. Bu ilin iyul ayının 1-nə ölkəmizdə 32 648 nəfər müvəqqəti, 11 288 nəfər daimi yaşamaq üçün icazə əsasında yaşayan əcnəbi və vətəndaşlığı olmayan şəxs var”.
O da məlum olub ki, ölkədə qaçqın statusu əsasında yaşayan şəxslərin sayı 23 faiz artıb. Hazırda onların sayı 75 nəfər təşkil edir.
Qaçqın statusu əsasında yaşayan şəxslər, əsasən, Pakistan, Əfqanıstan və İran vətəndaşlarıdır.
DXM rəisi qeyd edib ki, qanunsuz miqrasiyaya qarşı mübarizə çərçivəsində Xidmət tərəfindən miqrasiya qanunvericiliyinin tələblərini pozmuş 9603 əcnəbi və vətəndaşlığı olmayan şəxs, həmçinin Azərbaycan vətəndaşları barəsində müvafiq qərarlar qəbul edilib:
“Bu da ötən dövrlə müqayisədə 2 faiz artım deməkdir”.
Leyla Əliyeva
www.oxu.az
"Əfqanıstan" teqi üzrə xəbərlər
- Əfqanıstanda qadınlara görə evlərin quruluşu dəyişdirilir
- Pakistandan Əfqanıstana hava hücumu: Çoxlu sayda ölən var
- ABŞ-nin Əfqanıstandakı əsas uğursuzluğunun səbəbi məlum oldu
- İranın 20-yə yaxın əyalətinə əfqanların girişi qadağan edildi
- Əfqanıstanda dəhşətli yol-nəqliyyat hadisəsi 52 nəfərin həyatına son qoyub
Rəylər