Ən son xəbərləri bizim Telegram kanalımızda izləyin

Rəsmi təklif: "Taksi xidmətindən kənarlaşdırılanlar avtobus sürücüsü ola bilərlər"
"Son vaxtlar vətəndaşların sifariş etdikləri taksilərin sistemdə göstərilən nəqliyyat vasitəsi olmaması, köhnə və yararsız olması halları müşahidə edilir".
Oxu.Az xəbər verir ki, bu barədə rəqəmsal inkişaf və nəqliyyat nazirinin müavini Rəhman Hümmətov məlumat verib. Onun sözlərinə görə, 30-a yaxın bu cür fakt müəyyən edilib.
"Həmin şəxslərin taksi xidməti ilə bağlı icazələri ləğv edilib. Vətəndaşlara müraciət edərək bildirmək istəyirəm ki, belə halla qarşılaşanda həmin taksidən imtina etsinlər və "141" Çağrı Mərkəzinə məlumat versinlər".
Nazirlik rəsmisi taksi xidmətindən kənarlaşdırılan sürücülərə təkliflə müraciət edib. O əlavə edib ki, son zamanlar bir çox sürücü taksi fəaliyyətindən uzaqlaşdırılıb və onların məşğulluğu ilə bağlı suallar yaranır:
"Məşğul olmayan sürücülərin avtobusla sərnişindaşımalara cəlb olunması üçün hazırda geniş imkanlar var. Taksi fəaliyyətindən kənarlaşan şəxslər bu imkanları nəzərdən keçirə bilərlər".
Almaz Qasımova
"Taksi xidməti" teqi üzrə xəbərlər
- Hava şəraiti ilə əlaqədar taksi qiymətlərində artım müşahidə olunur
- Faciəli qəzalardan sığortalanmaq üçün taksi şirkətləri nələrə diqqət etməlidirlər?
- Sosial SORĞU: Az qala hamısının krediti var, gündəlik 8 saatdan çox sükanda olurlar
- Bakıda taksi sürücüsü müştərisinin 30 min dollarını oğurlayıb özünə maşın aldı
- Başqasının cərimələrinə görə sürücülük hüququndan məhrum edildi