"Tegeta" şirkəti "Bridgestone" brendinin Azərbaycanda rəsmi təmsilçisidir

Bu il Gürcüstan şirkəti qlobal brendin regionda eksklüziv distribütoru olub.

"Bridgestone" brendinin Azərbaycanda eksklüziv təchizatçısı olan "Tegeta" şirkəti Yaponiya brendinin minik avtomobilləri, yük maşınları və xüsusi texnikalar üçün şinlərini təklif edir. Tərəflər arasında bağlanmış müqavilə yanvar ayında qüvvəyə minib.

Bakıda baş tutan tədbirdə tərəfdaşlar və müştərilər üçün "Tegeta" - "Bridgestone" əməkdaşlığının təqdimatı keçirilib. Paytaxtın "Four Seasons" hotelində baş tutan təqdimat mərasimində yerli hakimiyyət orqanlarının nümayəndələri, biznes rəhbərləri, iri şirkətlər, eləcə də "Tegeta" və "Bridgestone" şirkətlərinin nümayəndə heyətləri iştirak ediblər. Tədbirə həmçinin Yaponiya və Gürcüstanın Azərbaycandakı səfirləri də təşrif buyurublar.

"Azərbaycandakı avtomobil sahibləri üçün "Bridgestone" brendinin premium keyfiyyətli şinlərinin tədarükünə başladığımızı elan etməkdən məmnunluq və qürur duyuruq. "Bridgestone" Qafqaz regionunda pionerdir və 26 illik tərəfdaşlığımız sayəsində qonşu ölkələrdə onların distribütoru kimi çıxış etmək şərəfinə nail olmuşuq.

Təqdimat zamanı biz tərəfdaşlarımıza və müştərilərimizə gələcək imkanlar və planlar barədə məlumat verdik. "Tegeta" yüksək keyfiyyətli və etibarlı məhsullara çıxışı təmin etməklə öz biznesini genişləndirməyə və regionda avtomobil sənayesinin inkişafına töhfə verməyə çalışır. Məqsədimiz bu sahədə 30 illik təcrübəyə malik bir şirkət olaraq, avtomobil sənayesində etibarlı tərəfdaş kimi mövqeyimizi gücləndirməkdir", - deyə "Tegeta Holding"in baş icraçı direktoru Yekaterina Kavtaradze deyib.

Bakıda keçirilən tədbirdə 150 iştirakçı "Tegeta Motors Baku"nun "Bridgestone" ilə əməkdaşlıq çərçivəsində təklif etdiyi xidmətlər haqqında məlumat əldə edib.

"Tegeta" ilə tərəfdaşlığın genişləndirilməsi "Bridgestone" brendinin premium keyfiyyətli şinlərinin Azərbaycanda təşviqi baxımından mühüm addımdır. Bu isə keyfiyyət, təhlükəsizlik və innovasiyalara sadiqliyimizin Qafqaz regionunda daha çox müştərini əhatə etməsinə kömək edir. Bu 26 illik tərəfdaşlıq bizim regionda inkişafa təkan vermək və üstün avtomobil həllərini təqdim etmək üçün birgə öhdəliyimizi vurğulayır", - deyə "Bridgestone" şirkətinin Yaxın Şərq, MDB və PAF regionları üzrə direktoru Samuel Massard bildirib.

10 ilə yaxındır ki, Bakıda fəaliyyət göstərən "Tegeta Motors" şirkəti pərakəndə, korporativ və topdansatış sektorlarında kompleks avtomobil xidmətləri və geniş çeşiddə məhsullar təqdim edir. "Tegeta Motors" bu il Azərbaycanda 100 000 ədəd "Bridgestone" şini satmağı planlaşdırır və öz filial şəbəkəsini tədricən genişləndirmək niyyətindədir.

"Bugünkü tədbir Gürcüstan və Azərbaycanın işgüzar dairələri arasında artan əməkdaşlığın göstəricisidir. "Tegeta Motors"un Bakıda ilk nümayəndəliyi 2017-ci ildə açılıb. Hazırda yüksək keyfiyyətli avtomobil xidmətləri və məhsulları təklif edən üç filialımız fəaliyyət göstərir. Strateji tərəfdaşımız sayəsində biz artıq minik avtomobilləri, yük maşınları və xüsusi texnikalar üçün "Bridgestone" şinlərini təklif edə bilirik. Hədəf müştərilərimiz pərakəndə və topdansatış müştəriləri, həmçinin dağ-mədən sənayesi və logistika şirkətləridir. Şin satışı ilə yanaşı, biz şinlərin quraşdırılması və zəmanət xidməti göstəririk. Yük maşınları üçün zəmanət yürüşdən asılı olaraq dəyişir. Biz təchizat zəncirimizi genişləndirməyə, həmçinin xidmətlərimizi daha əlçatan və adaptiv etməyə çalışırıq", - deyə "Tegeta Motors Baku"nun direktoru Aleksandr Beroşvili bildirib.

"Bridgestone" və "Tegeta" şirkətləri arasında ilk müqavilə 1998-ci ildə imzalanıb və ilkin sifariş cəmi 500 şin təşkil edib. "Bridgestone" brendi ilə əməkdaşlıq çərçivəsində Gürcüstanda qış şinlərinin istifadəsi tətbiq edilib ki, bu da ölkədə yol təhlükəsizliyini əhəmiyyətli dərəcədə artırmağa imkan verib.

"Bridgestone" 150-dən çox ölkədə fəaliyyət göstərir və illik 30 milyard ABŞ dolları gəlir əldə edir. Bölgədəki əməliyyatların böyük hissəsi "Tegeta" şirkəti ilə tərəfdaşlıq sayəsində həyata keçirilir.

"Tegeta" dünya miqyaslı "Bridgestone" brendinin etibarlı tərəfdaşıdır və regional avtomobil sənayesində lider mövqe tutur.