ABŞ-nin 2026-cı maliyyə ili üçün müdafiə büdcəsi layihəsində Ukraynaya hərbi dəstək üçün 400 milyon dollar ayrılması nəzərdə tutulub. Növbəti 2027-ci il üçün də oxşar məbləğ ayrılıb.
Oxu.Az-ın xəbərinə görə, bu barədə ABŞ KİV ölkə Konqresinin saytında dərc olunmuş və üç min səhifədən çox olan layihə sənədinə əsasən məlumat verib.
Məlumata görə, sənədin bu həftə Nümayəndələr Palatasında nəzərdən keçirilməsi gözlənilir.
Qeyd etmək vacibdir ki, bu vəsaitlər 2016-cı ildən bəri USAI (Ukraynanın Təhlükəsizliyinin Təminatı Təşəbbüsü) proqramı çərçivəsində həyata keçirilən uzunmüddətli büdcə maddəsi vasitəsilə ayrılır. Bu mexanizm silah istehsalı, texnikanın satın alınması və Ukrayna hərbi mütəxəssislərinin təlimi istiqamətində planlı və uzunmüddətli maliyyələşdirməni təmin edir.
