ABŞ-dan olan astrofiziklər asteroidlərdən planetar müdafiə üzrə layihə hazırlayaraq, arXiv.org portalında yerləşdiriblər.
Oxu.Az xəbər verir ki, alimlərin fikrincə, Yeri təhdid edən kosmik obyektlərin hərəkətini güclü lazer qurğularının köməyi ilə dəyişmək olar.
Onların hesablamalarına görə, hətta bu üsulla potensial təhlükəli asteroidlər dağıdıla bilərlər.
Astrofiziklər əmindirlər ki, dar axında göndərilən güclü lazer şüalanması asteroidi elə bir temperatura qədər qızdırmağa imkan verir ki, o, buxarlanmağa başlayır və qızmış maddənin ayrılması prosesi reaktiv şırnağa çevrilərək, hədəfin tryaektoriyasını dəyişir.
